Ramzon Qodirov Cybertruck elektromobili Ilon Mask tomonidan «o‘chirib qo‘yilganini» aytdi

Checheniston rahbari Ramzan Qodirov Tesla kompaniyasidan olgan Cybertruck elektromobili ishlamay qolganini aytdi. Uning fikricha, mashinani kompaniya asoschisi Ilon Mask masofadan turib o‘chirib qo‘ygan.

«Mask yaqinda kibertrakni masofadan turib o‘chirib qo‘ydi. Bu erkakning ishi emas. «Temir otni» sudrab ketishga to‘g‘ri keldi. Ilon, nega bunday qilding? Shu ishing to‘g‘rimi?», deb yozdi Qodirov ijtimoiy tarmoqda.

Qodirov avgust oyida Cybertruck haqida maqtanib, uni Ilon Maskning sovg‘asi deb atadi. Mashina pulemyot bilan jihozlangan edi. Checheniston rahbari uni Ukrainadagi harbiy operatsiya zonasiga yuborishga va’da berdi.

Keyinchalik, Ilon Mask Ramzan Qodirovga Cybertruck elektromobilini sovg‘a qilmaganini aytdi.