Маск Қодировга Cybertruck электромобилини совға қилмаганини айтди

Америкалик тадбиркор Илон Маск 19 август, душанба куни Чеченистон раҳбари Рамзан Қодировга Cybertruck электромобилини совға қилмаганини айтди. «Сиз ҳақиқатан ҳам россиялик генералга Cybertruck бердим, деб ўйлайсизми? Ажойиб. Сен ОАВнинг эскирган ёлғонлари яна бир мисолисан», деб ёзди Маск ўзининг X ижтимоий тармоғида The New York Times журналисти Сэт Абрамсон постига изоҳ бериб.

Абрамсон ўша постда Маск «Америка санкциялари остидаги душманларни ҳарбий хизматга тайёр машиналар билан таъминлаётгани»ни айтди. X ижтимоий тармоғи фойдаланувчилари бу Tesla электромобил компанияси қоидаларини бузаётганини пайқаб, Cybertruck ҳарбий автомобил эмаслигини таъкидлади. 

17 август куни Қодиров ўзининг Telegram-каналида томга пулемет ўрнатилган Cybertruck’да Грозний бўйлаб ҳаракатланаётгани акс этган видеони эълон қилди. Қодиров ёзганидек, у «электромобилни ҳурматли Илон Маскдан олган». Cybertruck «тез орада Шимолий ҳарбий округ зонасига юборилади» ва «аскарларимизга катта фойда келтиради», деди Чеченистон раҳбари. 

Видеода у Маскни Грознийга ташриф буюришга таклиф қилган ва уни «энг азиз меҳмон сифатида» қабул қилишга ваъда берган. Тадбиркор ҳозирча бу таклифга жавоб қайтармади.