Isroil Bayrutdagi «Hizbulloh» qarorgohiga zarba berdi

Zarba nishoni harakat rahbari Hasan Nasrulloh bo‘lgani ta’kidlanmoqda.

Foto: AFP/Getty Images

Isroil mudofaa kuchlari (TsAHAL) Livan poytaxti Bayrutning janubiy chekkasidagi Dahiya shahrida joylashgan «Hizbulloh»ning bosh qarorgohiga zarba berdi.

TsAHAL vakili Daniel Hagari so‘zlariga ko‘ra, qarorgoh turar-joy binolari ostida joylashgan. Isroilning Ynet portaliga ko‘ra, hujum nishoni «Hizbulloh» yetakchisi Hasan Nasrulloh bo‘lgan. Hagari armiya o‘z maqsadiga erisha oldimi yoki yo‘qmi, aniqlik kiritmadi.

AFP «Hizbulloh»ga yaqin manbalarga tayanib, havo hujumi oqibatida Bayrutdagi oltita bino vayron qilingani haqida xabar berdi.

Hagarining qo‘shimcha qilishicha, urush paytida mamlakat aholisi xavfsizligi uchun javobgar bo‘lgan Front orti xizmati qo‘mondonligining ko‘rsatmalarida hech qanday o‘zgarishlar bo‘lmagan.

Tayyorlagan: Сардор Юсупов

#Isroil #Livan #Hizbulloh #Hasan Nasrulloh