Qoʻshimcha funksionallar
-
Tungi ko‘rinish
Olmaliqda 4-mis boyitish fabrikasi qurilishi boshlandi
“Yoshlik-1” rangli metallar koni negizida 3-mis boyitish fabrikasi qurilishi bilan parallel ravishda, 4-fabrika qurilishiga ham start berildi. Ayni paytda 5-fabrika loyihalashtirilmoqda.
Foto: Prezident matbuot xizmati
2021 yilda “Yoshlik-1” koni negizida 3-mis boyitish fabrikasi qurilishi boshlangan edi. Bu loyihaning ikkinchi bosqichi doirasida 4-mis boyitish fabrikasi ham tashkil etiladi. 15 oktyabr kuni prezident Shavkat Mirziyoyev ramziy tugmani bosib, ushbu yangi zavod qurilishini boshlab berdi.
Rasmiy relizga ko‘ra, qiymati 5,3 milliard dollarlik bu loyiha orqali yiliga 146 ming tonna katodli mis, 13 tonna oltin va 73 tonna kumush olish quvvatlari yaratiladi. Yillik ishlab chiqarish hajmi 1,9 mlrd dollarga yetadi. Fabrika va uning infratuzilmalarida 3 mingdan ortiq kishi ishlaydi.
Loyihaga Italiyaning “Wood” hamda Buyuk Britaniyaning “Worley Parsons” kompaniyalari jalb qilingan. Ishlab chiqarishda yuqori texnologik, ekologik xavfsiz va tejamkor texnologiyalar qo‘llanishi belgilangan.
Qayd etilishicha, hozirgi kunda Olmaliq kon-metallurgiya kombinatining 5-mis boyitish fabrikasi ham loyihalashtirilmoqda.
Eslatib o‘tamiz, 3-mis boyitish fabrikasi 4,6 mlrd dollarga baholangan.
Mavzuga oid
13:54 / 12.12.2024
Gazprombankka qarshi sanksiyalar O‘zbekiston mis sanoati rivojini xavf ostiga qo‘yadi - The Diplomat
17:30 / 11.12.2024
OKMKda investitsiya loyihalari ishga tushirilmoqda: kombinatning yangi bosqichi va kelajagi haqida ma’lumot berildi
21:47 / 20.11.2024
OKMKning qariyb 25 foizi 12,2 trillion so‘mga baholanib, Tiklanish va taraqqiyot jamg‘armasiga o‘tkazildi
17:00 / 02.11.2024