O‘zbekistondan Malayziya bozoriga oziq-ovqat mahsulotlari yetkazib beriladi

O‘zbekiston diplomatlari Malayziyaning SRI Ternak Group kompaniyalar guruhi bosh direktori Raymond Xo bilan uchrashuv o‘tkazdilar.

Foto: Dunyo

Uchrashuvda O‘zbekistondan Malayziya bozoriga oziq-ovqat mahsulotlari yetkazib berishi mumkin bo‘lgan kompaniyalar bilan o‘zaro hamkorlik o‘rnatish istiqbollari muhokama qilindi.

Raymond Xo kompaniya supermarketlari rastalarida O‘zbekistonning sarxil va quritilgan meva-sabzavotlari, qandolat mahsulotlari va turli qayta ishlangan oziq-ovqatlar ham sotilishi mumkinligi borasidagi rejalari bilan o‘rtoqlashdi.

Uchrashuv yakunida O‘zbekiston va Malayziyaning ulgurji va chakana savdo kompaniyalari vakillari o‘rtasida onlayn muloqot uyushtirish, Kuala-Lumpur shahri yoki Selangor shtatida SRI Ternak Group kompaniyasi supermarketlaridan birining hududida respublikada ishlab chiqariladigan oziq-ovqat mahsulotlari ko‘rgazmasini tashkil etish hamda mazkur tadbir doirasida ikkala mamlakatning mazkur sohalarda yetakchi eksportyor va importyor kompaniyalari vakillari o‘rtasida B2B uchrashuvlarini o‘tkazish bo‘yicha kelishuvlarga erishildi.