9 oyda ish haqi va nafaqa pullaridan 5,2 mlrd so‘m talon-toroj qilingani ma’lum qilindi

Aniqlangan holatlar bo‘yicha 63 ta jinoyat ishi qo‘zg‘atilgan.

Foto: AOKA

2024 yilning yanvar-sentabr oylarida fuqarolarga berilishi kerak bo‘lgan 5 milliarddan oshiq pullar talon-toroj qilingan.

2024 yil 18 oktyabr kuni AOKAda o‘tkazilgan brifingda Bosh prokuratura matbuot kotibi Hayot Shamsutdinovning ma’lum qilishicha, bunday holatlar yuzasidan jami 63 ta jinoyat ishi qo‘zg‘atilgan.

Shuningdek, aholi bandligini ta’minlash sohasida aniqlangan qonunbuzilishi holatlari buyicha 1 198 nafar shaxs intizomiy, ma’muriy va moddiy javobgarlikka tortilgan.

61 ta jinoyat ishi qo‘zg‘atilgan hamda 8 573 nafar shaxsning buzilgan huquqlari tiklangan.

Bundan tashqari, 366 nafar ishchi - xizmatchilarning kechiktirilgan 2,4 mlrd so‘m ish haqlari undirib berilishi ta’minlangan.