Qirg‘izistonda ekologik toza shahar quriladi
Sadir Japarov Qirg‘izistonda ekologik toza Kemin-Siti shahrini qurish to‘g‘risidagi farmonni imzoladi. Hujjatga ko‘ra, shahar 353,3 gektar maydonda joylashadi.

Foto: Qirg‘iziston prezidenti matbuot xizmati
Qirg‘iziston prezidenti Sadir Japarov respublika hududida ekologik toza Kemin-Siti shahrini qurish to‘g‘risidagi farmonni imzoladi.
Qayd etilishicha, ushbu shahar Chuy viloyatidagi Kemin tumanida joylashadi. Loyiha fuqarolarni uy-joy bilan ta’minlash, ichki va tashqi migratsiyani kamaytirish, malakali kadrlarni saqlab qolish va hududlarda ijtimoiy keskinlikni pasaytirishga qaratilgan.
Hujjatda belgilanishicha, ekologik toza Kemin-Siti shahri 353,3 gektar maydonda quriladi. Qirg‘iziston Vazirlar mahkamasi 2025 yil 1 iyunga qadar shaharning qurilish konsepsiyasini ishlab chiqishi va tasdiqlatishi kerak.
Shuningdek, Kemin-Sitini qurish bo‘yicha investorlar bilan muzokaralar olib boriladi, tegishli investitsiya loyihalari imzolanadi.
Avvalroq O‘zbekiston rahbari Shavkat Mirziyoyev Toshkent viloyatidagi «Amirsoy» kurort majmuasida Qirg‘iziston prezidenti Sadir Japarov bilan norasmiy uchrashuv o‘tkazgan edi.
«Amirsoy» tog‘-chang‘i bazasiga qarab, lol qoldim. Hamkasbim Shavkat Mirziyoyev bu bazani noldan yuqori darajada qurib chiqibdi. Gap yo‘q. Barakalla. Qanchadan qancha odamlar ish bilan ta’minlangan. Millionlab turistlar bu yerga dam olish uchun kelmoqda. Servis darajasi Yevropanikidan qolishmaydi. Hammasi yuqori darajada», – deya yozgan Sadir Japarov tashrifdan keyin.
Mavzuga oid

11:29 / 26.02.2025
O‘zbekiston va Qirg‘iziston o‘rtasida fuqarolar kelib-ketishi to‘g‘risidagi bitimga o‘zgartirishlar kiritildi

13:26 / 25.02.2025
Tojikiston va Qirg‘izistondan olib kelingan 48 kilogrammdan ortiq narkotik musodara qilindi

11:20 / 25.02.2025
Shavkat Mirziyoyev, Sadir Japarov va Imomali Rahmonning birinchi uch tomonlama sammiti mart oxirida bo‘lib o‘tadi

23:49 / 21.02.2025