Turkmaniston 2022 yilgi aholini ro‘yxatga olish natijalarini e’lon qildi

Turkmaniston Davlat statistika qo‘mitasi 2022 yilgi aholini ro‘yxatga olish jarayonining milliy tarkib, bandlik va boshqa ma’lumotlarini e’lon qildi.

Turkmanistonda so‘nggi aholini ro‘yxatga olish 2022 yil dekabr oyida bo‘lib o‘tgan va 2023 yil iyul oyida aholining umumiy soni – 7 057 841 kishi ekani e’lon qilngan edi.

Yangi ma’lumotlarga ko‘ra, turkmanistonda ruslar soni 2,6 barobar, qozoqlar soni 7,4 barobar, ukrainlar soni 9 barobar kamaygani ma’lum bo‘ldi. Turkmaniston mustaqillikka erishgach, qozoqlar, ruslar va ukrainlar Turkmanistonni ommaviy ravishda tark etib, tarixiy vataniga ko‘chishni boshlagan. Shu bilan birga, o‘zbeklar soni 1,6 barobar, balujlar soni esa 2,4 barobar ko‘paygan. Balujlarning aholi sonidagi ulushi ulushi ham oshgan, o‘zbeklarniki deyarli o‘zgarmagan.

Turkmaniston bo‘yicha 642 ming o‘zbekning aksariyati (489 ming) Dosho‘g‘iz viloyatida istiqomat qiladi. Viloyatda ularning ulushi ham 1995 yildan beri deyarli o‘zgarmagan va 31,57 foizni tashkil qiladi. Balujlar asosan Mori viloyatida to‘plangan - 85 ming. Viloyat aholisiga nisbatan bu 5,29 foizni tashkil qiladi.

Ona tillar orasida, albatta, turkman tili birinchi o‘rinda turadi. Ammo rus tilida 1995 yildagiga qaraganda 2,6 baravar kam odam so‘zlashadi (348 ming kishiga nisbatan 136 ming kishi). Shu bilan birga, 478 ming kishi o‘zbek tilini ona tili sifatida ko‘rsatgan va bu uni ikkinchi o‘ringa qo‘ygan. Baluj tili to‘rtinchi o‘rinda (rus tilidan keyin).