Netanyahu garovdagi isroilliklar ozod etilishi bo‘yicha Hamasga ultimatum qo‘ydi
Gap 15 fevral kuni ozod etilishi kerak bo‘lgan to‘qqiz nafar garovdagi shaxs haqida ketmoqda. Avvalroq Hamas Isroil tinchlik sulhini buzgani uchun garovdagi isroilliklarni ozod etish jarayonini bekor qilgandi.

Foto: Getty Images
Hamas 15 fevral kuni garovdagilarni ozod etmasa, Isroil G‘azo sektorida «intensiv jangovar harakatlarni» qayta boshlaydi. Bu haqda mamlakat bosh vaziri Binyamin Netanyahu harbiy-siyosiy mahkama yig‘ilishidan keyin ma’lum qildi.
«Men qabul qilgan va mahkama bir ovozdan tasdiqlagan qaror shunday: agar Hamas shanba kuni tushga qadar garovdagi fuqarolarimizni qaytarmasa, o‘t ochishni to‘xtatish bekor qilinadi va TsAXAL Hamas butunlay yo‘q qilingunga qadar intensiv jangovar harakatlarni qayta tiklaydi», — dedi Netanyahu.
The Times of Israel ma’lumotlariga ko‘ra, gap 15 fevral kuni ozod etilishi kerak bo‘lgan to‘qqiz nafar garovdagi shaxs haqida ketmoqda.
Avvalroq AQSh prezidenti Donald Tramp Hamasni shanba kuni garovda qolgan 76 nafar isroillikning barchasini ozod etishga chaqirgandi. Isroil bosh vaziri o‘z nutqida mahkama Trampning talabini olqishlaganini qayd etgan.
Netanyahuning ta’kidlashicha, yig‘ilish davomida harbiy-siyosiy mahkama «8 fevral kuni ozod etilgan garovdagi fuqarolarning dahshatli ahvolidan g‘azabda ekanini bildirgan».
«Hamasning sulhni buzib, garovdagi fuqarolarimizni ozod etmaslik haqidagi bayonotidan keyin o‘tgan kecha TsAXALga G‘azo sektori ichi va atrofiga kuchlarni to‘plashni buyurdim. Ushbu operatsiya ayni soatlarda o‘tkazilmoqda va yaqin vaqt ichida yakunlanadi», — deya qo‘shimcha qiladi Isroil bosh vaziri.
Hamas va Isroil o‘rtasidagi tinchlik sulhi 19 yanvardan kuchga kirgan. Uning 42 kun davom etadigan birinchi bosqichida Hamas garovga olingan 33 kishini qo‘yib yuboradi, Isroil bo‘lsa 1,9 mingdan ziyod mahbusni ozod etadi va G‘azo sektoridan o‘z qo‘shinlarini olib chiqib ketishni boshlaydi.
10 fevral kuni Hamas garovda saqlanayotgan Isroil fuqarolarining navbatdagi guruhini ozod etish jarayonini bekor qildi. Hamas ushbu qarorni Isroil tomoni tinchlik sulhini buzgani sabab qabul qilganini bildirgan. Ta’kidlanishicha, Isroil G‘azo sektorining shimoliy qismida yashovchi aholining uyiga qaytishiga to‘sqinlik qilmoqda, shuningdek, mintaqaga gumanitar yordamlarni kiritmayapti.
Tavsiya etamiz
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
So‘nggi yangiliklar
-
O‘zbekistonning Latviyadagi turizm brendi elchisi tayinlandi
O‘zbekiston | 15:42
-
G‘azoda 10 mingdan ortiq jangchisini yo‘qotgan Isroil armiyasi chuqurlashib borayotgan inqirozga yuz tutyapti
Jahon | 15:15
-
Rossiyalik o‘quvchilar uchun O‘zbekistonda yozgi oromgohlar tashkil etiladi
O‘zbekiston | 15:00
-
“Ortga qaytmas islohotlarimizni izchil davom ettiramiz” - Shavkat Mirziyoyev investorlar bilan uchrashdi
Iqtisodiyot | 14:44
Mavzuga oid

14:42 / 10.06.2025
Isroilda Netanyahuning sog‘lig‘iga oid tafsilotlarni oshkor etish talab qilindi

13:22 / 09.06.2025
XJS Netanyahu va Gallantni hibsga olishga order bergan sudyalarga qarshi AQSh sanksiyalarini qoraladi

09:51 / 15.05.2025
Mers: Netanyahu XJS orderiga qaramay, Germaniyaga tashrif buyurishi mumkin

22:07 / 13.05.2025