Davlat departamenti AQSh elchixonalariga o‘z xodimlari sonini qisqartirishni buyurdi

AQSh Davlat departamenti butun dunyo bo‘ylab joylashgan Amerika elchixonalariga xodimlari sonini qisqartirishga tayyorgarlik boshlashni buyurdi, deb xabar beradi ABC News.

Qayd etilishicha, diplomatik missiya rahbarlari barcha xodimlarning to‘liq ro‘yxatini hamda ularning bandlik maqomini (doimiy va doimiy bo‘lmagan) tayyorlashi kerak. Qisqartirishlar nafaqat amerikalik xodimlarga, balki elchixona faoliyat yuritayotgan mamlakatda yollangan ishchilarga ham ta’sir ko‘rsatadi.

Avvalroq AQSh ma’muriyati Davlat departamenti xarajatlarini qisqartirish uchun bir nechta kosullikni yopishi mumkinligi to‘g‘risida xabar berilgandi. Gap Yevropa (birinchi navbatda Germaniya va Fransiyada joylashgan), Kanada, Meksika va Tinch okeani orollaridagi diplomatik vakolatxonalar haqida ketmoqda.

Donald Tramp AQSh prezidentligi lavozimiga kirishganidan keyin davlat xarajatlarini qisqartirish dasturini ishga tushirdi. Amerika OAV ma’lumotlariga ko‘ra, MRB, FTB, Milliy xavfsizlik agentligi va boshqa qator idoralar xodimlari o‘z xohishiga ko‘ra ishdan bo‘shash to‘g‘risidagi xatlarni olgan. Maqsad — davlat xizmatchilarining qariyb 10 foizini ishdan bo‘shatish.