Kuvayt O‘zbekistonda farmatsevtika mahsulotlari ishlab chiqarishni rejalashtirmoqda

Al Imtiaz Investment Group kompaniyasi ijrochi direktori bilan uchrashuv bo‘lib o‘tdi.

Foto: Prezident matbuot xizmati

O‘zbekiston prezidenti Shavkat Mirziyoyevning Kuvaytga rasmiy tashrifi ishbilarmonlik dasturi davomida Al Imtiaz Investment Group kompaniyasi boshqaruvi a’zosi va ijrochi direktori Fuzi Xolid bin Essa bilan uchrashuv bo‘lib o‘tdi.

Al Imtiaz Investment Group guruhi 2005 yilda tashkil etilgan bo‘lib, aktivlarni boshqarish, ko‘chmas mulk, sog‘liqni saqlash, sanoat va moliya sohalariga sarmoya kiritishga ixtisoslashgan.

Kuvayt kompaniyasining oziq-ovqat yetishtirish, farmatsevtika mahsulotlarini ishlab chiqarishni tashkil etish, shuningdek, ko‘chmas mulk obektlarini qurish bo‘yicha tashabbusi qo‘llab-quvvatlandi.