Nvidia «Yulduzlar jangi» filmidan ilhomlanib, yangi robotni yaratdi

Blue robot ochiq kodli Newton fizik dvigateli yordamida yaratilgan.

Foto: Nvidia

Amerikaning Nvidia chip ishlab chiqaruvchi texnologiya kompaniyasi sun’iy intellektga ega Blue robotini taqdim etdi. Kompaniya asoschisi va prezidenti Jyensen Huang buni GTC 2025 konferensiyasida namoyish qildi.

Huang taqdimotda robototexnikani modellashtirish uchun mo‘ljallangan, ochiq kodli Newton fizik dvigatelini taqdim etdi. U Google DeepMind sun’iy intellekt kompaniyasi va Disney Research bilan hamkorlikda ishlab chiqilgan. Blue robot ushbu dvigatel yordamida yaratilgan.

Robot sahnaga chiqqanida, Huang unga murojaat qildi: «Salom, Blue, yaxshimisan? Senga yangi fizik dvigatel yoqdimi? Yoqdi, a? Ha, men aniq bilaman».

Konferensiya davomida Nvidia dunyodagi birinchi ochiq kodli Isaac GR00T N1 odamsifat robotini ham e’lon qildi.