Zelenskiy va Tramp telefon orqali muloqot qildi
Tramp bir soatcha davom etgan suhbat «juda yaxshi» yakunlaganini aytdi.

Foto: EPA
AQSh prezidenti Donald Tramp Ukraina prezidenti Vladimir Zelenskiy bilan telefon orqali muloqot qildi, deb xabar berdi Oq uy ma’muriyati rahbari o‘rinbosari Den Skavino.
U «hozir prezident Tramp Oval kabinetda Ukraina prezidenti Vladimir Zelenskiy bilan telefon orqali gaplashmoqda», deb yozdi.
Trampning o‘zi keyinroq bir soatcha davom etgan suhbat «juda yaxshi» yakunlaganini aytdi.
«Muhokamalarning aksariyati Rossiya va Ukrainaning so‘rov va ehtiyojlarini muvofiqlashtirish bo‘yicha prezident Putin bilan kechagi suhbatga asoslangan edi. Biz to‘g‘ri yo‘ldamiz va men Davlat kotibi Marko Rubio va Milliy xavfsizlik bo‘yicha maslahatchi Maykl Uolsdan muhokama qilinayotgan mavzularning aniq tavsifini berishni so‘rayman. Bu bayonot tez orada e’lon qilinadi», deb yozdi Tramp.
Bir kun avval Tramp Putin bilan ikki soatdan ko‘proq davom etgan suhbatni o‘tkazdi. Uchrashuvdan so‘ng Kreml Putin Ukraina energetika sektoriga zarba berishdan 30 kunlik voz kechishni qo‘llab-quvvatlaganini va harbiylarga tegishli buyruq berganini ma’lum qildi. Shuningdek, bu suhbatda Putin G‘arbning Ukrainaga harbiy yordamini to‘xtatish va Kiyev bilan razvedka ma’lumotlari almashishni tinchlikning asosiy sharti deb atadi.
Oq uy bayonotida aytilishicha, prezidentlar «Ukrainada tinchlik va o‘t ochishni to‘xtatish zarurligini muhokama qilgan» va «bu mojaro mustahkam tinchlik bilan yakunlanishi kerakligiga kelishib olgan».
Zelenskiy Tramp va Putin suhbatidan so‘ng Ukraina energetika infratuzilmasiga hujumlarni to‘xtatish taklifini qo‘llab-quvvatlashini, biroq u Tramp bilan suhbatga umid qilayotganini, suhbat davomida Rossiya bilan kelishuvlar haqida batafsil ma’lumot olishini aytdi.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
AQSh Britaniya bozoriga eksportni kengaytirish bo‘yicha kelishuvga erishdi
Jahon | 11:51
-
Bill Geyts fondi 2045 yilgacha 200 mlrd dollarni xayriya qiladi
Jahon | 11:39
-
«Yuksalish» harakati ko‘p qavatli uylarni boshqarishda ko‘plab kamchiliklarni aniqladi
O‘zbekiston | 11:11
-
Shifokor va hamshiralarni tayyorlash bo‘yicha yagona malaka talablari ishlab chiqiladi
O‘zbekiston | 11:10
Mavzuga oid

11:51
AQSh Britaniya bozoriga eksportni kengaytirish bo‘yicha kelishuvga erishdi

10:52
Mers va Tramp Ukraina bo‘yicha hamkorlikni muhokama qildi

09:32
YeI AQShga avtomobillar va samolyotlarga bojlar bilan tahdid qilmoqda

08:18