Sergelida yangi qurilayotgan binoda yong‘in yuz berdi

Xonobod ko‘chasida joylashgan ko‘p qavatli uylarning birida yong‘in chiqdi. Hodisa oqibatida halok bo‘lgan va jabrlanganlar yo‘q.

Foto: Ijtimoiy tarmoqlar

Toshkent shahar Favqulodda vaziyatlar boshqarmasi Sergeli tumanida yangi qurilayotgan binoda sodir bo‘lgan yong‘in to‘g‘risida ma’lumot berdi.

Qayd etilishicha, 23 mart kuni soat 09:18 da Sergeli tumani Xonabod ko‘chasida joylashgan, yangi qurilayotgan bino fasad qismida yong‘in sodir bo‘layotgani to‘g‘risida poytaxt FVBga xabar kelib tushgan.

Shunga ko‘ra, yong‘in-qutqaruv texnikalari etilgan manzilga soat 09:24 da yetib borib, yong‘in soat 09:39 da qurshab olingan va soat 09:42 da o‘chirilgan.

«Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar miqdori aniqlanmoqda», — deyiladi xabarda.

Eslatib o‘tamiz, fevral boshlarida Yakkasaroy tumani Kichik halqa yo‘li ko‘chasida joylashgan yangi qurilayotgan bino yerto‘lasida yong‘in sodir bo‘lgandi.

#yong‘in #Sergeli