Muddatidan oldin qanday qilib talaba bo‘lish mumkin? – iqtidorli abituriyentlar uchun noyob imkoniyat

Shuni ta’kidlash joizki, xalqaro sertifikatlarning tegishli ko‘rsatkichiga ega bo‘lgan abituriyentlar hozircha faqatgina to‘lov-kontrakt asosida o‘qishga tavsiya etilishi mumkin, xalqaro sertifikatlarning eng yuqori ko‘rsatkichiga (masalan, SAT sertifikatining matematika qismidan eng yuqori 800 ko‘rsatkichi) ega abituriyentlar bundan mustasno. Bunda, xalqaro sertifikatlarning eng yuqori ko‘rsatkichiga ega abituriyent, universitet saralash imtihonida taqdim etiladigan 100 foizlik ko‘rsatkichga ega bo‘ladi va muddatidan oldin davlat granti asosida talabalikka tavsiya etiladi.

Kafolat to‘lovining ahamiyati

Yangi O‘zbekiston universitetida o‘z o‘rningizni band qilishning muhim shartlaridan yana biri kafolat to‘lovini belgilangan muddatda amalga oshirish hisoblanadi. Kafolat to‘lovi – talabalikka tavsiya etilgan abituriyent tomonidan uning universitetda o‘qish joyini band qilish uchun joriy etilgan to‘lov hisoblanadi. Kafolat to‘lovi nafaqat mazkur oliygohda, balki dunyoning mashhur universitetlarida joriy etilgan muddatidan oldin qabul qilinishning ajralmas bo‘lagi hisoblanadi.

Davlat grantlari va qo‘shimcha imkoniyatlar

Yangi O‘zbekiston universiteti cheklangan miqdordagi 1 va 4 yillik davlat grantlarini taqdim etadi va ular belgilangan kvota asosida taqsimlanadi. Shuningdek, saralash imtihoni yakunlanib, barcha abituriyentlarning ko‘rsatkichlari shakllantirilganidan so‘ng, dastavval muddatidan oldin to‘lov-kontrakt asosida o‘qishga tavsiya etilgan abituriyentlar belgilangan tartibda davlat granti asosida o‘qishga qabul qilinishlari ham mumkin.

Yangi O‘zbekiston universiteti haqida

Dastavval universitet haqida qisqa ma’lumot berib o‘tamiz, Yangi O‘zbekiston universiteti respublika hududlarida tashkil etilgan prezident maktablarining uzviy davomi sifatida 2021 yil tashkil etilgan bo‘lib, universitetda 4 ta maktab, 4 ta markaz, 1 ta tadqiqot instituti, 12 ta departament mavjud bo‘lib, 9 ta bakalavr ta’lim yo‘nalishi, 10 ta magistratura mutaxassisligi, 9 ta tayanch doktorantura va 2 ta doktorantura ixtisosliklari bor. Shuningdek, universitet saralash imtihoni ta’lim sohasida, jumladan, saralash imtihonlarini o‘tkazish borasida xalqaro tajribaga ega Kembrij universiteti bilan hamkorlikda ingliz tilida tashkil etiladi.

O‘quv dasturlari Yevropaning muhandislik sohalaridagi yetakchi universiteti TUM (Myunxen texnika universiteti – TOP 26-o‘rin) bilan hamkorlikda ishlab chiqilgan hamda ta’lim jarayonlari to‘liq ingliz tilida olib borilib, darslar AQSh, Germaniya, Fransiya, Koreya kabi davlatlardan kelgan malakali xorijiy hamda dunyoning TOP 500talik universitetlarida faoliyat olib borgan mahoratli professor-o‘qituvchilar tomonidan olib boriladi. Ma’lumot uchun, universitet akademik xodimlarini ishga olish jarayonlari va ularni malakasini oshirish dunyoning 1-raqamli oliygohi AQShning Massachusets texnologiya instituti (MIT) ishtirokida amalga oshiriladi. Bundan tashqari, universitet xalqaro tadqiqot loyihalarida ishtirok etib, ilg‘or ta’lim texnologiyalarini joriy etib kelmoqda.

Matematika qismidan tegishli ko‘rsatkichga ega ekaningizni tasdiqlovchi qayd etilgan xalqaro sertifikatni qanchalik ertaroq topshirib, kafolat to‘lovini amalga oshirsangiz, Yangi O‘zbekiston universitetida muddatidan avval to‘lov-kontrakt yoki davlat granti asosida o‘qish joyini band qilish imkoniyati shunchalik yuqori bo‘ladi. Qabul talablari va jarayonlari haqida batafsil ma’lumotni universitetining rasmiy veb-saytidagi “Admission” bo‘limidan olishingiz mumkin.

Mamlakatdagi yetakchi davlat universitetlardan birida sifatli xalqaro darajadagi ta’lim olish va yangi avlod yetakchilari hamda innovatorlaridan biri bo‘lishdek ajoyib imkoniyatni qo‘ldan boy bermang!

Reklama