JCh-2026 saralashi. BAA KXDR bilan o‘yinda 90+8-daqiqadagi gol evaziga g‘alaba qozondi

JCh-2026 hal qiluvchi saralash bosqich A guruhi 8-turi doirasidagi so‘nggi bahsda Shimoliy Koreya Birlashgan Arab Amirliklari milliy jamoasiga qarshi saf tortdi.

JCh-2026 saralashi. A guruhi. 8-tur

KXDR – BAA – 1:2
Gollar: Yu Song Kim 43 – Fabio De Lima 5, Alamari 90+8.

Uchrashuvda koreyslarning g‘alabasi O‘zbekiston milliy jamoasining muddatdan avval o‘z tarixida ilk bor jahon chempionatiga chiqishini ta’minlardi. Shu bois uchrashuv o‘zbekistonlik muxlislarning diqqat markazida bo‘ldi.

Saudiya Arabistonidagi «Shahzoda Faysal Bin Fahd» o‘yingohida kechgan uchrashuvning 5-daqiqasidayoq amirlik futbolchilari Fabio De Limaning goli evaziga hisobni ochgan bo‘lsa, koreyslar 43-daqiqadagi gol evaziga tanaffusga durang natija bilan chiqishdi – 1:1.

Ikkinchi bo‘lim ham tengkurash ostida o‘tib, ikki jamoa bahs yakuniga qadar g‘alabani ilib ketish ilinjida bo‘ldi. Yakunda 90+8-daqiqada BAA Alamirining goli evaziga g‘alabaga erishdi - 2:1. 

Shu tariqa, O‘zbekiston milliy jamoasi (17 ochko, 2-o‘rin) keyingi turda – BAA (5 iyun) bilan kamida durang qayd etsa mundialga yo‘llanma oladi. Aks holda Qatarga (10 iyun) qarshi uchrashuvda g‘alaba qozonishi talab etiladi. BAA 13 ochko bilan 3-o‘rinda bormoqda. KXDR 2 ochko bilan so‘nggi 6-o‘rinda qoldi va yo‘llanma uchun kurashish imkoniyatini batamom to‘xtatdi.

A guruhidagi vaziyat: