Venesuela prezidenti AQSh davlat kotibini «ahmoq» deb atadi 

Venesuela prezidenti Nikolas Maduro AQSh davlat kotibi Marko Rubioning Gayana bilan hududiy mojaro yuzasidan tahdidlariga javob berdi. Bu haqda VTV xabar bermoqda.

Maduro Venesuela demokratiyaga intilayotganini qayd etdi. Uning fikricha, Rubio «ahmoq», Karakas esa AQSh davlat kotibining tahdidlariga e’tibor berishni rejalashtirmayapti.

Venesuela prezidentining ta’kidlashicha, mamlakat «xavf ostida emas, chunki u ozodlik uchun kurashganlarning vatani va Simon Bolivarning tug‘ilgan joyi».

Maduro Rubioning Venesuelaning Gayanaga qarshi ehtimoliy kuchishlatar harakatlari «juda katta xato» bo‘lishi haqidagi ogohlantirishiga shunday izoh berdi.

Avvalroq Maduro Venesuela muxolifatining qochqin yetakchilari AQSh Xalqaro taraqqiyot agentligi (USAID)dan milliardlab dollar olganini aytgandi.

Davlat rahbari Amerika tashkiloti o‘tmishda o‘zini Venesuela prezidenti deb e’lon qilgan, keyinroq Kolumbiyaga qochib ketgan Xuan Guaydoga qancha pul bergan bo‘lishi mumkinligi bilan qiziqdi. Maduroga ko‘ra, muxolifat yetakchisiga 5 milliard dollardan ortiq mablag‘ ajratilgan.