Jinoyat sodir etib, qochib yurgan o‘zbekistonlik Rossiyada ushlandi

Buxoro viloyati IIB xabar berishicha, G‘ijduvon tumanining Soktari mahallasida ro‘yxatda turuvchi N.N. Jinoyat kodeksining 105-moddasi 1-qismida ko‘rsatilgan jinoyatni sodir qilib, tergovdan yashiringani uchun G‘ijduvon tumani IIB tomonidan qidiruv e’lon qilingan. 

IIB xodimlari tomonidan olib borilgan qidiruv ishlari natijasida u Rossiya Federatsiyasining poytaxti Moskva shahrida qo‘lga olinib, O‘zbekistonga ekstraditsiya qilindi va tergov hibsxonasiga joylashtirildi.

Jinoyat kodeksining 105-moddasi qasddan badanga o‘rtacha og‘ir shikast yetkazish jinoyatini nazarda tutadi.