Viloyat ma’muriyati rahbari: Rossiya Zaporijjyaga 10 marta zarba berdi

Rossiya Qurolli kuchlari Zaporijjyaga kamida 10 ta zarba berdi. Bu haqda 1 may, payshanba kuni Zaporijjya viloyati harbiy ma’muriyati boshlig‘i Ivan Fedorov ma’lum qildi.

Unga ko‘ra, bir necha yong‘in sodir bo‘lgan va 14 kishi — o‘n erkak va to‘rt ayol jarohatlangan.

Ulardan to‘qqiz nafari shifoxonada, besh nafariga voqea joyida tibbiy yordam ko‘rsatildi.

61 yoshli erkakning o‘limi haqidagi dastlabki ma’lumotlar tasdiqlanmadi, deya qo‘shimcha qildi Fedorov. Qutqaruvchilar jabrlanuvchini vayronalar ostidan chiqarib olishdi, u kasalxonaga olib ketildi.

Viloyat harbiy ma’muriyati boshlig‘ining so‘zlariga ko‘ra, Rossiya Qurolli kuchlari shaxsiy uylar, ko‘p qavatli xonadonlar, ta’lim muassasalari va infratuzilma obektlarini nishonga olgan.