Andijonda daraxt Cobalt ustiga qulab tushdi

Daraxt haydovchi o‘z mashinasini yo‘l chetiga qo‘yib, oshxonaga kirib ketgan vaqtida qulab tushgan.

Foto: IIB YHXB axborot xizmati

Andijon viloyati Marhamat tumanida daraxt Cobalt transport vositasi ustiga qulab tushdi, deb xabar beradi viloyat IIB YHXB axborot xizmati.

Qayd etilishicha, 26 may kuni soat 13:20 larda Marhamat tumani Dukchi Eshon MFY, Ipak yo‘li ko‘chasida 32 yoshli haydovchi I.F. Cobalt’ini avtomobil yo‘li chetiga qo‘yib, tushlik qilish uchun oshxonaga kirib ketgan. Bu vaqt ob-havo keskin o‘zgarib, kuchli shamol esishi oqibatida chinor daraxti mazkur avtomashina ustiga qulab tushgan.

Ta’kidlanishicha, ushbu baxtsiz hodisa oqibatida hech kimga tan jarohati yetmagan, avtomashina texnik shikastlangan.

Eslatib o‘tamiz, aprel oxirlarida kuchli shamol sabab Mirobod tumanida daraxt ikkita Cobalt ustiga qulagandi. 17 may kuni esa Toshkentda daraxt bosib qolgan bir kishi vafot etgan edi.

Tayyorlagan: Фозилбек Юсупов

#Andijon #Cobalt