Malayziyada politsiya vertolyoti qulab tushdi

Malayziyada o‘quv mashg‘uloti vaqtida ichida qirollik politsiyasining besh nafar xodimi bo‘lgan vertolyot Pulay daryosiga qulab tushdi. Bu haqda mahalliy Astro Awani telekanali xabar berdi.

Qayd etilishicha, hodisa Gelang-Patax kurort shahri yaqinida sodir bo‘lgan. Dengiz politsiyasi jabrlanuvchilarni suvdan evakuatsiya qilgan va tibbiyot xodimlariga topshirgan.

Ularning ikki nafari ahvoli og‘ir, shifokorlar jabrlanuvchilar hayotini saqlab qolish uchun kurashmoqda. Qolgan politsiyachilar ham jarohat olgan, ammo u qadar jiddiy emas.

«Vertolyot Tanjung-Kupang politsiya uchastkasidan soat 09:51 da ko‘tarilgan, avariya esa Malayziya dengiz qoidalariga rioya qilinishini ta’minlash agentligi prichali yaqiniga soat 10:25 larda qulab tushgan», - deydi politsiya inspektori Muhammad Holid.

Uning so‘zlariga ko‘ra, Malayziya Transport vazirligi huzuridagi Aviatsiya hodisalarini tergov qilish byurosi hodisa sabablarini aniqlash bo‘yicha tergov olib boradi.

Avvalroq Hindiston Harbiy-havo kuchlariga tegishli Jaguar samolyoti o‘quv parvozi vaqtida Rajaston shtatiga qulab tushgani to‘g‘risida xabar berilgandi.