Zelenskiy sobiq adliya vazirini AQShga elchi sifatida yuborishga qaror qildi

Sobiq adliya vaziri Olga Stefanishina Ukrainaning AQShdagi elchisi bo‘lishga tayyorlanmoqda, deya tasdiqladi Volodimir Zelenskiy.

Foto: Nathan Howard/Getty Images

Ukraina prezidenti Volodimir Zelenskiy adliya vaziri Olga Stefanishinani prezidentning AQSh bilan hamkorlikni rivojlantirish bo‘yicha maxsus vakili lavozimiga tayinlash haqidagi farmonni imzoladi.

Zelenskiyning so‘zlariga ko‘ra, Stefanishina «Ukrainaning AQShdagi elchisi lavozimiga uning nomzodini Vashington bilan muvofiqlashtirish bo‘yicha barcha tegishli tartib-qoidalar davom etayotgan bir paytda» shu lavozimda ishlaydi.

Stefanishina hukumatni tark etayotganini tasdiqladi, u bosh vazirning Yevropa va Yevroatlantika integratsiyasi bo‘yicha o‘rinbosari va adliya vaziri lavozimlarida ishlagan. Shuningdek, u AQSh bilan Ukraina-Amerika investitsiyalarini tiklash fondini yaratish bo‘yicha muzokaralarda ishtirok etdi, dedi Zelenskiy.

Ukraina matbuoti AQShga elchi etib tayinlanishini bashorat qilgan Ukraina sobiq mudofaa vaziri Rustem Umerov, ehtimol, Rossiya bilan muzokarachi roliga e’tibor qaratadi, deb yozadi "RBK-Ukraina" manbaga tayanib.