Qozog‘iston ko‘chmas mulk bozori. Narxlar qanday?

Qozog‘iston ikkilamchi bozorida kvartiralar narxi oshishda davom etyapti, deya xabar beryapti Krisha.kz nashri.

Qayd etilishicha, joriy yilning birinchi yarmida narxlarning o‘rtacha o‘sishi 3,4 foizni tashkil etgan. Xususan, quyidagi hududlarda kvartira narxining eng katta oshishi kuzatilgan:

• Kostanay va Aqtau – 7,6 foiz;
• Ust-Kamenogorsk – 5 foiz;
• Pavlodar – 5,3 foiz;
• Atyrau – 3,7 foiz.

Mamlakatdagi eng yirik shaharlar: Olmaota, Ostona va Chimkentda narxlarning qimmatlashishi 3 foiz atrofida bo‘lgan.

Krisha.kz tahlillariga ko‘ra, iyun oyining yakuni bo‘yicha Qozog‘istonning yirik hududlarida 1 kv metr uchun o‘rtacha narxlar quyidagicha:

• Olmaota – 767 528 tenge (1444 dollar);
• Ostona – 528 750 tenge (995 dollar);
• Chimkent – 447 793 tenge (842 dollar);
• Aktau – 405 148 tenge (762 dollar);
• Karaganda – 385 600 tenge (725 dollar).