Odessa ramziga aylangan bozor zarba ostida qoldi – fotosuratlar

24 iyulga o‘tar kechasi Rossiya dronlari zarbalari oqibatida Ukrainaning eng mashhur bozori – Odessadagi «Privoz» bozori zarar ko‘rdi. U 1827 yilda g‘ildiraklar bilan savdo qilish joyi (ya’ni aravalar va izvoshlar; «Privoz» nomi ham shu bilan bog‘liq) sifatida ochilgandi. 1917 yildan oldinroq keyinroq bozor ramziga aylangan, «Mevali passaj» deb nomlangan arka shaklidagi darvozali pavilyonlar kompleksi qurilgan.

«Privoz»ning o‘zi esa Odessa shahri ramziga aylanadi. Bu yerda ukrainlar, ruslar, yahudiylar, tatarlar va boshqa millat vakillari savdo qilishgan. Bu yerda «Odessa koloriti»ning bir qismiga aylangan hazillar va maqollar paydo bo‘ladi. «Privoz» haqida Isaak Babel o‘z asarlarida yozgan, Mixail Jvanetskiy hazillar to‘qigan. Bu shaharning asosiy bozori, gastronomik va tarixiy diqqatga sazovor joyi, madaniy markaz hisoblanadi.

Dronlar hujumi natijasida «Mevali passaj» qisman vayron bo‘lgan. Savdo pavilyonlarida yong‘in boshlangan, ammo u allaqachon o‘chirilgan. Jabrlanganlar haqida xabar berilmagan. Hujumga qaramay, bozor ishlashda davom etmoqda. Savdo shoxobchalari zarar ko‘rgan sotuvchilar omon qolgan mahsulotlarni qutqarishga harakat qilishmoqda.

Tungi hujum paytida nafaqat «Privoz», balki Primorskiy bulvaridagi tarixiy obektlar ham hujumga uchragan. Ular orasida «London» mehmonxonasi (1846 yilda ochilgan Odessaning birinchi mehmonxonasi), Zolotarevlar uyi (me’moriy yodgorlik maqomiga ega) va Voronsovskiy saroyi bor.

Bu binolardagi shikastlanish holatlari «Privoz» pavilyonlari kabi jiddiy emas. Ularning oynalari sinib, suvoqlari qisman ko‘chib tushgan.

Shuningdek, Odessada ko‘p qavatli turar joy binosining kirish yo‘laklaridan biri vayron bo‘lgan, xususiy uy va yoqilg‘i quyish shoxobchasiga zarar yetgan.

So‘nggi ma’lumotlarga ko‘ra, shaharda yashovchi to‘rt kishi jarohatlangan.