Fransiya Isroil aviakompaniyasi xodimlarining ishchi vizalarini uzaytirmayapti

Fransiya Isroilning G‘azo sektoridagi siyosati tufayli bir necha oydan buyon Isroilning “El-Al” aviakompaniyasi xavfsizlik xizmati xodimlarining ishchi vizalarini uzaytirishni rad etib kelmoqda, deb yozadi Ynet portali.

"Oxirgi olti oyda Fransiya hukumati “El-Al” aviakompaniyasining Parijda ishlaydigan xavfsizlik xizmati xodimlarining ishchi vizalarini uzaytirishni to‘xtatdi", - deb xabar berdi portal o‘z manbalariga tayanib.

Aniqlik kiritilishicha, ushbu qaror G‘azo sektoridagi vaziyat sababli Fransiya va Isroil o‘rtasida yuzaga kelgan keskinlik ortidan qabul qilingan.

Portalning qayd etishicha, ishchi vizalar Isroil aviakompaniyasi xodimlariga Fransiyada qonuniy yashash va ishlash huquqini bergan, ammo viza berish to‘xtatilgani bois ular mamlakatda noqonuniy turishga majbur bo‘lishmoqda.