Oq uy Tramp va Putin uchrashuvi bo‘lib o‘tadigan shahar nomini ma’lum qildi

Ta’kidlanishicha, AQSh yetakchisi Ukrainadagi “harbiy harakatlarga chek qo‘yishga qat’iy ahd qilgan”.

Ankorij shahri / Foto: iStock

AQSh va Rossiya prezidentlari Donald Tramp va Vladimir Putin o‘rtasidagi uchrashuv 15 avgust kuni Alyaska shtatining Ankorij shahrida bo‘lib o‘tadi. Bu haqda Oq uy ma’lum qildi.

"Juma kuni prezident Tramp Rossiya prezidenti Vladimir Putin bilan ikki tomonlama uchrashuv o‘tkazish uchun Alyaskaga, Ankorijga yo‘l oladi", - dedi Oq uy matbuot kotibi Kerolayn Levitt.

U Amerika yetakchisi Ukrainadagi “harbiy harakatlarga chek qo‘yishga qat’iy ahd qilgan”ligini ta’kidladi.

Ankorij Alyaska shtatining eng yirik shahri hisoblanadi.

#Vladimir Putin #Alyaska #Donald Tramp

Kun.uz yangiliklarini Google News'da kuzating

+ Obuna bo'lish