Tramp Ukrainaga «xavfsizlik kafolatlari» taqdim etishga tayyorligini bildirdi

AQSh prezidenti Donald Tramp Yevropa yetakchilariga Ukraina uchun xavfsizlik kafolatlarini berishga tayyorligini ma’lum qildi, deb yozmoqda Wall Street Journal gazetasi.

"Muloqot tafsilotlaridan xabardor shaxslarning so‘zlariga ko‘ra, prezident Tramp Yevropa mamlakatlari yetakchilari bilan telefon orqali suhbatida AQSh Ukrainaga to‘g‘ridan-to‘g‘ri xavfsizlik kafolatlari taqdim etishga har qachongidan ham tayyorligini ma’lum qildi", — deyiladi nashr xabarida.

15 avgust kuni Tramp Alyaskada Rossiya prezidenti Vladimir Putin bilan uchrashdi, yakunda hech qanday kelishuv bo‘lmadi.  

Ukraina prezidenti Volodimir Zelenskiy 18 avgust kuni Oq uyda Donald Tramp bilan uchrashishini ma’lum qildi.