Ko‘ramiz, Putin va Zelenskiy birga ishlay olisharmikin - Tramp

AQSh prezidenti Donald Tramp Vashingtondagi muzeyga tashrifi chog‘ida Rossiya-Ukraina inqirozi bo‘yicha bayonot berdi.

U Rossiya prezidenti Vladimir Putin va Ukraina prezidenti Volodimir Zelenskiy o‘rtasidagi uchrashuvni intiqlik bilan kutayotganini aytdi.

«Ko‘ramiz, Putin va Zelenskiy birga ishlay olisharmikin. Ularning munosabati moy bilan sirkani eslatadi. Ma’lum sabablarga ko‘ra, ular bir-biri bilan kelisha olishmaydi, lekin ko‘ramiz. Men ular uchrashuvni qanday o‘tkazishi va vaziyatdan chiqish uchun qanday yo‘l topishlarini ko‘rishni istardim», - dedi AQSh prezidenti.

Avvalroq Rossiya tashqi ishlar vaziri Sergey Lavrov Zelenskiy Tramp bilan uchrashuvda Putinning qator takliflarini rad etganini aytgandi.