Зеленский Трампнинг барча таклифларига “йўқ” деб жавоб қайтарди – Россия ташқи ишлар вазири

Лавровнинг сўзларига кўра, Трамп Зеленскийга Россиянинг ҳудудлар, рус тили ва НАТОга аъзолик бўйича таклифларини маълум қилган.

Фото: AP

АҚШ ва Россия президентларининг Аляскадаги учрашувида Украинадаги низони ҳал қилиш бўйича айрим яқинлашув нуқталари топилганди, аммо Володимир Зеленский Доналд Трамп билан учрашувда уларни рад этди, деди Россия ташқи ишлар вазири Сергей Лавров NBC телеканалига берган интервюсида.

«Украина НАТОга аъзо бўлиш фикридан воз кечиши, ҳудудий масалалар муҳокама қилиниши таклиф қилинганди ва Зеленский бу таклифларга «нет» деб жавоб берди, — деди Лавров.

Унинг қўшимча қилишича, Украина раҳбари «рус тилини тақиқловчи қонунни бекор қилиш»дан ҳам бош тортган.

Сергей Лавров Зеленскийнинг нолегитимлигини (Россиянинг фикрича) яна бир бор тилга олди.

«Қандай қилиб ўзини раҳбар деб кўрсатаётган одам билан учрашишимиз мумкн?» — деди у Зеленскийнинг президентлик муддати май ойида тугагани, сайловлар эса ўтказилмаганини назарда тутиб.

Reuters агентлигининг маълумот беришича, Россия Аляскадаги музокараларда Херсон ва Запорижжя областларидаги фронт чизиғини музлатишга рози бўлган ҳамда Украина қўшинларининг “ДХР” ва “ЛХР”дан бутунлай олиб чиқиб кетилишини талаб қилган.

Тайёрлаган: Kun.uz Admin

#Сергей Лавров #Володимир Зеленский

Доналд Трамп 12 феврал куни Владимир Путин ҳамда Володимир Зеленский билан телефон орқали мулоқот қилди. Америка президенти Россия-Украина урушини якунлаш бўйича музокаралар бошланаётганини эълон қилди.