Xitoy va Armaniston strategik hamkorlik to‘g‘risida kelishib oldi

Xitoy va Armaniston strategik sheriklik haqida kelishib oldi. Tegishli kelishuvga Xitoyning Tyanszin shahrida bo‘lib o‘tgan Shanhay hamkorlik tashkiloti (ShHT) sammiti doirasidagi uchrashuvda erishildi. «Uchrashuv yakunlari bo‘yicha tomonlar Armaniston va Xitoy o‘rtasida strategik sheriklik o‘rnatilgani haqida e’lon qildi, bu haqda qo‘shma bayonot qabul qilindi», — deya ma’lum qildi Armaniston hukumati matbuot xizmati.

Armaniston bosh vaziri Nikol Pashinyan ShHT+ formatidagi sammitda va uning doirasida o‘tkazilayotgan tadbirlarda ishtirok etmoqda. Qayd etilishicha, uchrashuvda Armaniston bosh vaziri va XXR raisi Si Jinping fan, ta’lim, madaniyat, turizm, axborot, metrologiya sohalarida hamkorlikni rivojlantirish muhimligini ta’kidlagan. Pashinyan Armanistonning Shanhay hamkorlik tashkilotiga a’zo bo‘lish istagini tasdiqladi va ShHT doirasida hamkorlikni chuqurlashtirish bo‘yicha kelishuvga erishildi.

Armaniston hukumati ma’lumotlariga ko‘ra, Xitoy rahbari o‘z mamlakati «Armaniston Respublikasining siyosiy mustaqilligi, suvereniteti va hududiy yaxlitligini so‘zsiz qo‘llab-quvvatlashini, Armaniston hukumatining «Dunyo chorrahasi» loyihasini va mintaqaviy kommunikatsiya yo‘llarini blokdan chiqarishni qo‘llab-quvvatlashini» ta’kidlagan.