Netanyahu G‘azo shahrini 100 mingga yaqin aholi tark etganini ma’lum qildi

Netanyahuning so‘zlariga ko‘ra, "Isroil terrorchilarga zarba bermoqchi, aholiga esa chiqib ketish imkoniyatini taqdim etadi".

Foto: Reuters

Isroil armiyasi rejalashtirgan harbiy operatsiya fonida 100 mingga yaqin kishi G‘azo shahrini tark etdi, deb ma’lum qildi Isroil bosh vaziri Binyamin Netanyahu.

"G‘azoni 100 mingga yaqin kishi tark etdi, HAMAS ularni chiqarmaslik, ulardan “tirik qalqon” sifatida foydalanish uchun bor imkonini ishga solmoqda", - dedi u.

Netanyahuning so‘zlariga ko‘ra, "Isroil terrorchilarga zarba bermoqchi, aholiga esa chiqib ketish imkoniyatini taqdim etadi".

6 sentabr kuni Isroil armiyasi matbuot kotibi Avichay Adre shahar aholisi janubdagi Xon-Yunus qirg‘oq hududidagi maxsus belgilangan joyga evakuatsiya qilinishini yozgandi.

Unga ko‘ra, u yerda oziq-ovqat, tibbiy yordam va boshpana taqdim etiladigan «gumanitar zona» bo‘ladi.

#Isroil #G‘azo

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.