Yetib keldik! – Tramp Rossiya dronlari Polsha havo hududini buzgani haqida

AQSh prezidenti Donald Tramp 10 sentabrga o‘tar kechasi Rossiya dronlari tomonidan Polsha havo hududining buzilganiga izoh berdi.

«Rossiya dronlari Polsha havo hududini buzdi? Yetib keldik!», deb yozdi Oq uy rahbari ijtimoiy tarmoqda.

10 sentabr kuni Polsha Qurolli kuchlari operativ qo‘mondonligi Polsha hududiga uchib kirgan bir nechta dron yo‘q qilingani haqida xabar berdi. Mamlakat bosh vaziri Donald Tusk bu dronlarni Rossiyaniki deb atadi. Uning so‘zlariga ko‘ra, harbiylar «to‘g‘ridan-to‘g‘ri xavf tug‘dirgan» dronlarni urib tushirgan.

Shundan so‘ng, NATO Shimoliy Atlantika shartnomasining 4-moddasini qo‘lladi, unga ko‘ra, NATO a’zolari, agar ularning hududiy yaxlitligi, siyosiy mustaqilligi yoki xavfsizligi tahdid ostida bo‘lsa, bir-biri bilan maslahatlashadi.

Rossiya prezidenti matbuot kotibi Dmitriy Peskovning aytishicha, Kremlga Polsha rasmiylaridan dronlar bilan bog‘liq vaziyat bo‘yicha so‘rovlar kelib tushmagan.