Demokratlar Tramp bilan uchrashuv o‘tkazishni talab qilishdi

AQSh kongressidagi demokratlar yetakchilari federal hukumat ishi to‘xtab qolishining oldini olish bo‘yicha kelishib olish uchun prezident Donald Tramp bilan uchrashuv o‘tkazishni talab qilishdi. 

"Respublikachilarning sog‘liqni saqlash sohasini moliyalashtirishmaslikni davom ettirish niyati bois sizning hukumat ishini to‘xtatib turish haqidagi qaroringiz tufayli uchrashuv o‘tkazilishini talab qilamiz", - deyiladi demokratlarning Trampga maktubida. 

Demokratlar respublikachilarni hukumat ishini moliyalashtirish bo‘yicha ikki partiyali maslahatlashuvlar o‘tkazishdan bosh tortishda ayblashmoqda.  

Avvalroq vakillar palatasi spikeri respublikachi Mayk Jonson demokratlar "hukumat ishini to‘xtatishga urinishayotgani"ni aytgandi. Jonsonning fikricha, demokratlar hukumat ishini moliyalashtirishni davom ettirish to‘g‘risidagi qonun loyihasini qabul qilish uchun bajarib bo‘lmas talablarni ilgari surishmoqda. 

19 sentabr kuni AQSh prezidenti Donald Tramp agarda kongressdagi respublikachilar va demokratlar 1 oktyabr kuni ushbu qonun loyihasi bo‘yicha murosaga kelmaydigan bo‘lsa, federal hukumat ishi to‘xtatilishi mumkinligini bildirgandi. Senat o‘sha kuni federal hukumat ishini moliyalashtirishni davom ettirish to‘g‘risidagi ikkita qonun loyihasini rad etgandi.