Qoʻshimcha funksionallar
-
Tungi ko‘rinish
AQSh sudi “Amerika ovozi”da qisqartirish o‘tkazishni vaqtincha taqiqladi
“Amerika ovozi” va “Ozodlik” kabi ommaviy axborot vositalarini moliyalashtiruvchi AQSh Global media agentligi tizimidagi yuzlab ish o‘rinlarini qisqartirish vaqtincha to‘xtatib turiladi.
30 sentabr kuni federal sudya Tramp ma’muriyatining rejalariga qarshi chiqib, shunday qarorga keldi.
Sud Global media agentligiga o‘z tizimidagi to‘liq shtatda ishlovchi 532 ta budjet xodimlarini qisqartirishni taqiqladi.
Sud, shuningdek, agentlikka “Amerika ovozi” direktori Maykl Abramovitsni ishdan bo‘shatishni ham man etdi.
Ushbu ish bo‘yicha suddagi huquqiy jarayonlar davom etadi.
Ma’lumot uchun, AQSh Kongressi 2025 moliya yilida Global media agentligiga 875 mln dollar ajratgan va shundan 260 mln dollari “Amerika ovozi”ga yo‘naltirilishi kerakligi belgilangan.
Mart oyida prezident Donald Tramp farmon chiqarib, agentlikka asosiy faoliyati va xodimlarini minimum darajagacha kamaytirishni buyurdi. Bir kun o‘tib, “Amerika ovozi” efirlari 83 yil ichida ilk marta to‘xtab qoldi. Agentlik o‘zining deyarli barcha xodimlarini ta’tilga chiqarib yuborgan.
Mavzuga oid
17:53
AQSh Davlat kotibi Marko Rubio Markaziy Osiyo mamlakatlariga tashrif buyurmoqchi
10:30
AQSh poytaxtida o‘zbek tadbirkorlari uchun maxsus dastur ishga tushirildi
09:30
Tramp: Netanyahu Eron bo‘yicha har qanday kelishuvni qabul qiladi
08:50