Turkiya o‘zbekistonliklar uchun elektron mehnat vizalarini joriy etishi mumkin

O‘zbekiston delegatsiyasining Anqaraga amaliy tashrifi doirasida Turkiya Ichki ishlar vazirligida uchrashuv bo‘lib o‘tdi.

Uchrashuv davomida turk tomoni O‘zbekiston fuqarolariga Turkiyaga boshqa turdagi vizalar asosida kirgan holda mamlakatdan chiqmasdan turib mehnat ruxsatnomasini olish imkoniyatini taqdim etish masalasini o‘rganib chiqishini ma’lum qildi.

Shuningdek, O‘zbekiston fuqarolari uchun elektron mehnat vizalarini joriy etish masalasini ko‘rib chiqishga tayyorligini bildirdi.