Qozog‘istonliklarning O‘zbekistonga tashriflari keskin ortdi

Milliy statistika qo‘mitasi ma’lumotlariga ko‘ra, 2025 yilning yanvar–sentabr oylarida qariyb 2 million nafar Qozog‘iston fuqarolari turistik maqsadlarda O‘zbekistonga kelgan.

Ma’lumotga ko‘ra, bu ko‘rsatkich o‘tgan yilning shu davriga nisbatan qariyb 857 ming nafarga, ya’ni 76 foizga oshgan.

Qozog‘istonliklarning O‘zbekistonga kelish safar maqsadlari bo‘yicha quyidagicha taqsimlangan:

• qarindoshlarni yo‘qlash – 1 685 849 nafar;
• xizmat yuzasidan – 149 912 nafar;
• sayohat (dam olish) – 143 898 nafar;
• o‘qish – 91 nafar;
• tijorat – 455 nafar;
• davolanish – 6 063 nafar.

Shu davr ichida qariyb 1,1 million O‘zbekiston fuqarolari ham Qozog‘istonga safar qilgan. Ushbu raqam o‘tgan yilning mos davriga nisbatan 338,5 ming nafarga yoki 47 foizga o‘sgani qayd etilgan.