AQSh Kiyevning tinchlik rejasi bo‘yicha yangi takliflariga javob qaytarmadi – Zelenskiy

Ukraina prezidenti 14 dekabr kuni Berlinda AQSh vakillari, Germaniya kansleri Fridrix Mers va boshqa davlat rahbarlari bilan uchrashadi.

Foto: Getty images

Ukraina Kiyevning tinchlik rejasi bo‘yicha yangi takliflariga AQShdan haligacha javob olmadi, dedi Ukraina prezidenti Volodimir Zelenskiy.

"Men AQShning javobini hali olganimcha yo‘q. Muzokara jamoasi orqali bir nechta mujdalarni eshitdim va muloqotga tayyorman", - dedi u.

Zelenskiyning so‘zlariga ko‘ra, 14 dekabr kuni "Berlinda faol diplomatik kun" boshlanadi. U AQSh vakillari, Germaniya kansleri Fridrix Mers va boshqa davlat rahbarlari bilan uchrashadi.

Ukraina prezidentning qayd etishicha, Berlinda 20 banddan iborat reja ko‘rib chiqiladi.

U Ukrainaning NATOga qo‘shilishi real xavfsizlik kafolati sifatida ko‘rilgani, lekin "AQSh va Yevropadagi ayrim hamkorlar buni qo‘llab-quvvatlamagani"ni bildirdi.