Transport xizmatlari bozor xizmatlarining 18,4 foizini tashkil etdi

2025 yil yanvar–oktyabr oylarida O‘zbekistonda transport xizmatlari hajmi 150,8 trln so‘mni tashkil etgan. Bu ko‘rsatkich o‘tgan yilning mos davriga nisbatan 13,4 foizga oshgan. Transport xizmatlarining jami ko‘rsatilgan bozor xizmatlari hajmidagi ulushi esa 18,4 foiz bo‘lgan.

Milliy statistika qo‘mitasi ma’lumotlariga ko‘ra, hududlar kesimida transport xizmatlari hajmi (trln so‘m):

Qoraqalpog‘iston Resp. — 3,9;
Andijon viloyati — 7,1;
Buxoro viloyati — 6,2;
Jizzax viloyati — 2,2;
Qashqadaryo viloyati — 6,1;
Navoiy viloyati — 3,1;
Namangan viloyati — 5,3;
Samarqand viloyati — 11,5;
Surxondaryo viloyati — 3,1;
Sirdaryo viloyati — 1,2;
Toshkent viloyati — 10,9;
Farg‘ona viloyati — 8,9;
Xorazm viloyati — 5,0;
Toshkent shahri — 33,7.

Ma’lumotlarga ko‘ra, hududlar orasida eng katta hajm Toshkent shahrida qayd etilgan. Keyingi o‘rinlarda Samarqand viloyati (11,5 trln so‘m) va Toshkent viloyati (10,9 trln so‘m) kelgan.