Qozog‘istonda noqonuniy import kanali fosh etildi: amaldor va fuqaro qamoqqa olindi

Qozog‘istonda davlat chegarasi orqali tovarlarni noqonuniy olib kirish sxemasi bartaraf etildi. Korrupsiyaga oid ishni tergov qilish doirasida aholi iste’moli tovarlarini to‘siqsiz import qilishni tashkil etgan shaxslar ushlandi.

Foto: Videodan kadr

Qozog‘iston Respublikasi Milliy xavfsizlik qo‘mitasi matbuot xizmati xabar berishicha, MXQning korrupsiyaga qarshi kurash xizmati tomonidan noqonuniy import kanali fosh qilingan. Sud sanksiyasi bilan G‘arbiy Qozog‘iston viloyati Davlat daromadlari departamenti boshqarmalaridan biri rahbarlaridan biri hamda poytaxt (Ostona)da yashovchi fuqaro ushlanib, qamoqqa olingan.

Protsessual tadbirlar davomida 100 mln tengedan ortiq miqdorda pora olingani hujjatlashtirildi. Dastlabki baholashlarga ko‘ra, davlatga yetkazilgan zarar 1,9 mlrd tengeni tashkil etgan (3,7 mln AQSh dollari).

Bu haqdagi axborot Qozog‘iston Respublikasi Milliy xavfsizlik qo‘mitasi tomonidan ommaga e’lon qilindi.