Zelenskiy: Belarusning Rossiyaga qaramligi - Yevropa uchun tahdid

Belarusning Rossiyaga qaramligi kamaymayapti, aksincha yanada chuqurlashib, butun Yevropa qit’asi uchun qo‘shimcha tahdidlar yaratmoqda, dedi Ukraina prezidenti Volodimir Zelenskiy. Uning ta’khttps://www.dw.com/ru/zelenskij-zavisimost-belarusi-ot-rf-ugroza-dla-evropy/a-75651964idlashicha, bugungi Belarus — “Rossiyaning general-gubernatorligi”, Belarus xalqining esa hozir mamlakat rahbari Aleksandr Lukashenkoning oq shpitsiga qaraganda huquqlari kamroq. Zelenskiy bu gaplarni yakshanba, 25 yanvar kuni Vilnyusda 1863–1864 yillardagi Yanvar qo‘zg‘oloniga bag‘ishlangan xotira tadbirida aytdi.

“2020 yilda buni o‘zgartirish uchun imkoniyat bor edi va ishonaman, yana imkoniyat bo‘ladi. Ammo o‘shanda belaruslarga qo‘llab-quvvatlash shunchaki yetarli emas edi. Endi esa biz barchamiz Belarusning Moskvaga qaramligi tufayli hamma uchun qanchalik qiyinroq, qanchalik qimmatroq va qanchalik xavfliroq bo‘lib qolganini his qilyapmiz”, — dedi u.

Zelenskiy eslatishicha, Belarus hududidan Rossiyaning uchuvchisiz uchish apparatlari orqali hujumlari amalga oshirilmoqda, Belarus sanoati RFning Ukrainaga qarshi boshlagan urushiga xizmat qilmoqda, Belarusning savdo aloqalari esa Rossiyaga qurol-yarog‘ uchun zarur qismlarni sotib olishda yordam beryapti — bu orqali butun Yevropaga tahdid kuchayadi.

“Men Belarus xalqiga alohida aytib qo‘ymoqchiman: siz — Yevropa xalqisiz, va siz barcha xalqlarimiz bilan birga birlashuvda bo‘lasiz. Bizning erkin Yevropamizda. Tinch Yevropada, kuchli Yevropada”, — deb ta’kidladi u.

Zelenskiy Belarus muxolifatini qo‘llab-quvvatlashga chaqirdi va Yevropa Rossiyaning Ukrainaga qarshi boshlagan urushini to‘xtatish uchun harakat qilishi shartligini urg‘uladi.

“Xavfsizlik kafolatlanishi kerak. Bizdan oldingi avlodlar biz bo‘lishimiz uchun kurashgan. Bizning odamlarimiz esa bolalarimiz, nabiralarimiz va ularning bolalari, nabiralari yashashi va tinchlikda hayot kechirishi uchun kurashyapti. Rossiyada qayerdadir taxtda o‘tirgan bitta odam emas, har bir xalqimiz, har bir inson muhim bo‘lishi uchun kurashyapti, chunki bu — Yevropa qoidasi. Inson muhim. Millatlar muhim. Madaniyatlar muhim. Rossiya muhim emas, chunki tarixan xalqlarga qarshi bo‘lgan kimsa har doim mag‘lub bo‘ladi”, — dedi Ukraina prezidenti.

U, shuningdek, Rossiyaning Ukrainaga qarshi urushi, shu bilan birga Moldovaga, Gurjistonga qarshi urushlari va Chechenistondagi urush ham dunyodagi ayrim asosiy davlatlarning beparvoligi oqibati ekaniga ishonch bildirdi.

“Ular Rossiya bilan ‘qayta yuklash’ (reset)ga ishondi, u esa aslida barchamiz uchun ‘ortiqcha yuk’ka aylandi, — deya eslatdi u. — Hozir esa biz shunday xatolar boshqa hech qachon takrorlanmasligi uchun qo‘limizdan kelgan hamma ishni qilishga harakat qilyapmiz”.

Zelenskiy Davosda bo‘lib o‘tgan Jahon iqtisodiy forumi (JIF)da ham Yevropaning qat’iyatsizligini keskin tanqid qilgan va Rossiya tajovuzini to‘xtatish uchun yanada qattiqroq choralar ko‘rishga chaqirgan edi.