Turkiyada 3 yil doimiy yashagan o‘zbekistonliklarga ish ruxsatnomasi berilishi mumkin

O‘zbekiston Migratsiya agentligi 29 yanvar kuni Turkiyaning Mehnat va ijtimoiy ta’minot vazirligi bilan muhim kelishuvlarga erishilganini e’lon qildi.

Kelishuvlar quyidagilardan iborat:

- Turkiyada noqonuniy maqomda bo‘lgan o‘zbekistonliklarni deportatsiyasiz legallashtirish amaliyotini davom ettirish;

- Turkiyada 3 yil doimiy asosda yashagan o‘zbekistonliklarga shu yil 1 martdan boshlab, ilk bor ish ruxsatnomasini berish;

- Mehnat vazirligi huzuridagi İŞKUR tashkiloti tomonidan talab yuqori bo‘lgan kasblarni markazlashtirib, Migratsiya agentligiga talabnoma taqdim qilish kabi masalalar bo‘yicha Bitim imzolash.

Xabarda kelishuvlarning boshqa tafsilotlari keltirilmagan.