Fransiyada ORION 2026 harbiy mashg‘ulotlari boshlandi

Mashg‘ulotlarda 12 ming nafardan ortiq harbiylar qatnashadi. Ularning uchdan bir qismini Parijga ittifoqchi davlatlar harbiylari tashkil etadi.

Foto: REUTERS

Fransiya va uning ittifoqchilari ORION 2026 harbiy mashg‘ulotlarining faol bosqichini boshladi, deb xabar berdi Parisien.

Nashr ma’lumotiga ko‘ra, mashg‘ulotlarda 12 ming nafardan ortiq harbiylar qatnashadi. Qayd etilishicha, ularning uchdan bir qismini Parijga ittifoqchi davlatlar harbiylari tashkil etadi.

Ular 8 fevraldan 30 aprelgacha bosqichma-bosqich Fransiya hududida joylashtiriladi.

Mashg‘ulotlarga 140 ta samolyot va vertolyot, 1,2 mingdan ortiq dronlar, 2150ta harbiy texnika, jumladan, zirhli transportyorlar va tanklar hamda «Sharl de Goll» aviatashuvchisi jalb etiladi.