AQSh harbiy samolyotlari Yevropa va Arabistondagi bazalar orasida muntazam qatnamoqda – OAV

Avvalroq Britaniya bosh vaziri Kir Starmer AQSh prezidenti Donald Trampning amerikalik harbiylarning Eronga ehtimoliy hujumi vaqtida Buyuk Britaniya harbiy aerodromlaridan foydalanishga ruxsat berish haqidagi so‘rovini rad etgani aytilgandi.

Foto : U.S. Air Force / Senior Master Sgt. Matthew Plew

AQShning o‘nlab harbiy-transport samolyotlari Yevropa va Arabiston yarimorolidagi bazalar orasida muntazam qatnovlarni amalga oshirmoqda, deb xabar berdi Monde gazetasi.

"C-17 kabi o‘nlab harbiy-transport samolyotlari anchadan beri Amerikaning Arabiston yarimoroli va Yevropadagi bazalari o‘rtasida muntazam parvozlarni amalga oshirmoqda", - deyiladi xabarda.

Nashrning yozishicha, gap xususan, Germaniyadagi Ramshtayn va Buyuk Britaniyadagi Leykenxit bazalari haqida bormoqda.

Shuningdek, to‘rtta E-3C Sentry samolyoti 18 va 19 fevral kunlari Arabiston yarimoroliga parvozlarni amalga oshirgan, deb yozadi gazeta.

Avvalroq Britaniya bosh vaziri Kir Starmer AQSh prezidenti Donald Trampning amerikalik harbiylar tomonidan Eronga ehtimoliy hujum vaqtida Buyuk Britaniya harbiy aerodromlaridan foydalanishga ruxsat berish haqidagi so‘rovini rad etgani haqida xabar berilgandi.

U o‘z javobini xalqaro huquqning buzilishi bilan izohlagan.