Toshkentda uchta avtomobil ishtirokida YTH sodir bo‘ldi

«Jyentra» haydovchisi o‘zi bilan bir yo‘nalishda harakatlanib kelayotgan «Nexia-3» bilan YTH sodir etib, rul boshqaruvini yo‘qotishi natijasida qarama-qarshi tomonda turgan «Kobalt» bilan to‘qnashgan.

Foto: Ijtimoiy tarmoqlar

Toshkentda «Kobalt», «Nexia-3» va «Jyentra» avtomashinalari ishtirokida yo‘l-transport hodisasi sodir bo‘ldi.

Toshkent shahar IIBB YHXB axborot xizmatining ma’lum qilishicha, hodisa 21 fevral kuni soat 21:35 larda Yakkasaroy tumani, Nukus-Glinka chorrahasida yuz bergan.

Qayd etilishicha, «Jyentra» haydovchisi o‘zi bilan bir yo‘nalishda harakatlanib kelayotgan «Nexia-3» bilan YTH sodir etib, rul boshqaruvini yo‘qotishi natijasida qarama-qarshi tomonda turgan «Kobalt» bilan to‘qnashgan. «Jyentra» haydovchisiga birinchi tez tibbiy yordam ko‘rsatilgan.

Holat yuzasidan surishtiruv ishlari olib borilmoqda.