O‘zbekiston Yaqin Sharqdagi keskinlashuvdan xavotir bildirdi

Yaqin Sharqdagi vaziyatning keskin ravishda taranglashuvi va keng mintaqada yangi ziddiyatli holat yuzaga kelganidan O‘zbekiston jiddiy xavotirda. Bu haqda Tashqi ishlar vazirligi bayonotida so‘z boradi.

Rasmiy Toshkent barcha tomonlarni vazminlikka da’vat etib, nafaqat harbiy-siyosiy, balki gumanitar jihatdan oldindan ko‘rib bo‘lmaydigan oqibatlarga olib kelishi mumkin bo‘lgan keyingi keskinlashtiruvchi qadamlardan tiyilishga chaqirdi.

“Vujudga kelgan inqirozni xalqaro huquq normalari asosida, siyosiy-diplomatik vositalar orqali va o‘zaro maqbul muloqot yo‘li bilan hal etish maqsadga muvofiq”, – deyiladi TIV bayonotida.

Qayd etilishicha, O‘zbekiston Respublikasi mintaqaviy barqarorlik hamda xavfsizlikni mustahkamlashning izchil tarafdori bo‘lib, vaziyatning eng tez fursatlarda normallashuvidan umidvor.

Ma’lumot uchun, bugun – urushning ilk kunida Eronda o‘nlab odam halok bo‘ldi. Suriya, Iroq va BAAda ham qurbonlar qayd etilgan.