Toshkentda Fransiya viza markazi ochildi

Endi viza uchun ariza topshirish va hujjatlarni qabul qilish faqat TLSContact markazi orqali amalga oshiriladi.

Foto: Fransiyaning O‘zbekistondagi elchixonasi

Fransiyaning O‘zbekistondagi elchisi Valid Fuk Toshkent shahrida Fransiyaga borish uchun barcha viza arizalarni qabul qilishga mas’ul yangi TLSContact markazini tantanali ravishda ochdi.

«TLSContact markazining ochilishi mamlakatlarimiz o‘rtasidagi aloqalar mustahkamlanayotganining yana bir ifodasidir», deyiladi Fransiya elchixonasi xabarida.

Ta’kidlanishicha, endi viza uchun ariza topshirish va hujjatlarni qabul qilish faqat TLSContact markazi orqali amalga oshiriladi. Bu xizmat ko‘rsatish sifatini yanada oshirishga qaratilgan.