Tramp tinchlik bo‘yicha Nobel mukofoti endi o‘zini qiziqtirmasligini aytdi

AQSh prezidenti Donald Tramp o‘ziga tinchlik bo‘yicha Nobel mukofoti berilishi haqida boshqa gapirishni istamasligini ma’lum qildi.

Foto: AP

Washington Examiner nashri jurnalisti intervyuda Trampdan Eron bilan urush uning mukofot olish imkoniyatini oshiradi, deb hisoblaysizmi, deb so‘radi.

«Bilmadim. Bu meni qiziqtirmaydi», deb javob berdi AQSh prezidenti.

Tramp Yaqin Sharqda yangi urush boshlanganidan keyin xorijiy yetakchilar bilan suhbatlarida bu mavzu ko‘tarilganmi, degan savolga: «Yo‘q, Nobel mukofoti haqida gapirmayapman», deb javob berdi.

2025 yilda Donald Tramp tinchlik bo‘yicha Nobel mukofotiga nomzodini qo‘llab-quvvatlash uchun faol kampaniya boshladi. Uni olmaganidan so‘ng, AQSh prezidenti endi «tinchlik haqida o‘ylashga majbur emasligini» aytdi.

2025 yilgi tinchlik bo‘yicha Nobel mukofotini Venesuela muxolifati yetakchisi Mariya Korina Machado oldi. Keyinroq u Trampga o‘zining Nobel medalini topshirdi.