Tramp Eronga 48 soatlik ultimatum qo‘ydi

AQSh prezidenti Erondan 6 aprelgacha kelishuv tuzishni talab qilmoqda.

Foto: Reuters

Eronning AQSh bilan kelishuv tuzishi uchun 48 soat vaqti qoldi, deb ma’lum qildi prezident Donald Tramp.

«Eslang, men kelishuv tuzish yoki Ho‘rmuz bo‘g‘ozini ochish uchun Eronga o‘n kun vaqt berganman. Vaqt tugamoqda — ularning boshiga do‘zax kuni tushishiga 48 soat qoldi», — deb yozdi Amerika prezidenti Truth Social ijtimoiy tarmog‘ida.

Avvalroq u «Eron hukumati iltimosiga ko‘ra» elektr stansiyalarni vayron qilish vaqtini 10 kunga cho‘zib turishini aytgandi.

O‘n kunlik muddat 6 aprel kuni tugaydi.

Tramp mart oxirlarida Eron bilan muzokaralarda oldinga siljish bo‘lganini ma’lum qilgan, ammo Eron tomoni bu iddaoni rad etgandi.

Tayyorlagan Дилшодбек Асқаров

#Eron #Donald Tramp #ultimatum

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.