Шавкат Мирзиёев Озарбойжонга жўнаб кетди

Ўзбекистон президенти Шавкат Мирзиёев Озарбойжон президенти Илҳом Алиевнинг таклифига биноан 17 май куни амалий ташриф билан Боку шаҳрига жўнаб кетди.

Ўзбекистон раҳбари Бутунжаҳон урбанизация форумининг 13-сессияси тадбирларида иштирок этади.

Форум шаҳарларни барқарор ривожлантириш, арзон уй-жой билан таъминлаш, шаҳар муҳити сифатини ошириш, иқлим барқарорлиги ва уй-жойни молиялаштириш механизмларини такомиллаштириш масалаларига бағишланган

Шунингдек, хорижий делегациялар раҳбарлари билан бир қатор учрашув ва музокаралар ўтказилиши ҳам кўзда тутилган.