Qashqadaryoda elektriklar madaniy meros obektiga 93 mln so‘mlik zarar yetkazdi
Yakkabog‘ tumanidagi “Chillamazortepa” arxeologiya obekti elektr ta’minoti korxonasi mas’ul shaxslari tomonidan transformator o‘rnatish maqsadida kovlangan.
Bosh prokuratura Qashqadaryo viloyatida joylashgan madaniy meros obektiga zarar yetkazilgani haqida xabar qildi.
Ma’lum qilinishicha, Yakkabog‘ tumanida o‘tkazilgan tadbirda tuman elektr ta’minoti korxonasi mas’ul shaxslari tomonidan madaniy meros obekti sifatida ro‘yxatga olinib, davlat muhofazasida bo‘lgan “Chillamazortepa” arxeologiya obektiga jiddiy ziyon yetkazilgani aniqlangan. Mazkur arxeologiya obekti VI—XII asrlarga oid hisoblanadi.
Elektriklar tomonidan transformator punktini o‘rnatish maqsadida yodgorlikning 3,75 m3 hajmdagi qismi noqonuniy ravishda kovlanib, madaniy meros obektiga 93 mln so‘mlik zarar yetkazilgan.
Holat yuzasidan Yakkabog‘ tumani elektr ta’minoti mansabdor shaxslariga nisbatan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga oid
17:21 / 08.10.2024
Qashqadaryoda dehqon xo‘jaligi uchun berilgan 4 gektar yerni 100 ming dollarga sotmoqchi bo‘lganlar ushlandi
12:38 / 27.09.2024
Qashqadaryoda paxta xaridi bo‘yicha raqobat cheklanmoqda
14:53 / 26.09.2024
Qashqadaryoda Afg‘oniston fuqarosining pullarini o‘zlashtirgan shaxsga jinoyat ishi qo‘zg‘atildi
19:02 / 09.09.2024